11 апреля 2009 г.
Ĕнер район администрацийĕн структура подразделенийĕсен ертÿçисем ертсе пыракан ушкăнсем Нăрваш Шăхаль, Ыхра Çырми, Шăхач, Сăкăт тата Турхан ял тăрăхĕсенчи халăхпа тĕл пулчĕç.
Профилактика кунĕ умĕн çак ушкăнти çынсемпе район пуçлăхĕн пĕрремĕш çумĕ Р. Селиванов канашлу ирттерчĕ. Канашлу ĕçне район прокурорĕ Ю. Фуражников, районти шалти ĕçсен пайĕн, Патăрьел тата Шăмăршă районĕсен çар комиссариачĕн подразделени ертÿçисем те хутшăнчĕç.
Тĕпрен илсен пухăннисем çурхи призыва йĕркеллĕ ирттересси, çамрăк ăрăва эрех-сăрапа тата чĕлĕмпе айкашассинчен пăрасси, йĕркене пăсакансемпе профилактика мероприятийĕсем тăтăшрах йĕркелесси пирки калаçрĕç.
(Хамăр корр.).