Публикации » Йĕрке туни – хамăршăн, тирпей-илем – сывлăхшăн

11 апреля 2009 г.

К. Ивановăн “Нарспи” поэминчи евĕрлех кăçал та пуш уйăхĕн вĕçĕнче юр ирĕлчĕ васкаса. Хĕл каçиччен пуçтарăннă тирпейсĕрлĕх çĕр çине тухрĕ. Çул хĕррисенче, пахчасенче, çурт умĕсенче мĕн кăна çук. Вутă-шанкă, кирпĕч-хăйăр куписем илеме çухатаççĕ. Пылак сĕткенрен, эрех-сăраран пушаннă пластик тата кĕленче савăтсем çырма-çатрара выртса çÿреççĕ. Ытла та тирпейсĕрлĕхе тухрăмăр мар-и; Çуркуннехи çеçкесем çурăличчен тасатасчĕ вĕсене. Кашни хуçалăх çÿп-çапа кирлĕ-кирлĕ мар вырăна ан пăрахтăр тесен кас, урам тăрăх пуçтарса тухакан транспорт уйăрмалла. Çакна иртнĕ çул хăш-пĕр ялта йĕркене кĕртнĕччĕ. Вĕсенчен кăçал ыттисен те тĕслĕх илесчĕ.