18 апреля 2009 г.
Раççейри Çамрăксен çулталăкне халалласа Патăрьелĕнчи “Паттăр” физкультурăпа спорт комплексĕнче шкул командисем хушшинче спорт ташшисен фестивалĕн уçă турнирĕ иртнĕ.
Турнира 10 команда хутшăннă. Уйрăмшар программăпа пĕрремĕш вырăна Пăлапуç Пашьелĕнчи вăтам шкулти Д. Иванова, иккĕмĕшне Аслă Чементи вăтам шкулти Е. Зотова, виççĕмĕшне çакăнтанах К. Ивановăпа Л. Антонова йышăннă.
Вăтам çулсенчи ачасен командисем хушшинче Шăнкăртамри вăтам шкулта вĕренекенсем пĕрремĕш, Аслă Чементе пĕлÿ пухакансем иккĕмĕш, Шăнкăртамри тĕп шкулта пĕлÿ илекенсем виççĕмĕш вырăнсене йышăнчĕç.
Аслă çулхисенчен чи кăтартуллă номерпе Аслă Чементи вăтам шкулта вĕренекенсем палăрнă. Иккĕмĕш вырăнта Тутар Сăкăтĕнчи, виççĕмĕшĕнче Туçари вĕрентÿ центрĕнче пĕлÿ пухакан ачасем.
Çĕнтерÿçĕсем Хисеп грамотисемпе парнесене тивĕçнĕ.