18 апреля 2009 г.
2009 çулхи апрелĕн 16-мĕшĕнче райадминистраци залĕнче район депутачĕсен Пухăвĕн черетлĕ 26-мĕш ларăвĕ иртрĕ. Ăна Пуху председателĕ М. Петров уçрĕ, ертсе пычĕ.
Кун йĕркинчи пĕрремĕш ыйтупа – “Патăрьел районĕн 2008 çулхи бюджетне пурнăçланин отчетне çирĕплетесси çинчен” – райадминистрацин финанс пайĕн начальникĕн çумĕ Г. Петрова доклад турĕ.
Иккĕмĕш ыйтупа – “Патăрьел районĕн Уставне улшăнусем кĕртесси çинчен” райадминистрацин йĕрке-лÿпе тĕрĕслев тата кадрсен ĕçĕн пайĕн начальникĕ С. Торговцев тухса каларĕ.
Тепĕр ыйтупа – “Районта çĕнĕрен тунă автоçулсене муниципалитет харпăрлăхĕн реестрне кĕртесси çинчен” – район пуçлăхĕн çумĕ – райадминистрацин строительствăпа инфратытăм аталанăвĕн пайĕн начальникĕ И. Дикин хыпарларĕ.
Депутатсем районти право йĕркине пăсасран асăрхаттарас енĕпе тунă программăна улшăнусемпе хушусем кĕртрĕç, ытти ыйтусене сÿтсе явма та активлă хутшăнчĕç.
Депутатсен Пухăвĕ районăн социаллă-экономикăллă аталанăвĕпе çыхăннă ытти ыйтусене те сÿтсе яврĕ, кашнийĕнпех тивĕçлĕ йышăну кăларчĕ.
Пуху ĕçне район пуçлăхĕ Н. Глухов хутшăнчĕ, кулленхи тĕллевсене çивĕчлетсе сăмах каларĕ. Унăн тĕп тĕллевĕ – хальхи кризис вăхăтĕнче халăха пулăшасси. Ĕçсĕрлĕхпе кĕрешес тĕллевпе района пысăк укçа килет. Н. Глухов унпа тĕллевлĕ тата тĕрĕс усă курас ĕçе депутатсене хастар хутшăнма,çакна çирĕп тĕрĕслесе тăма чĕнчĕ.
(Хамăр корр.).