18 апреля 2009 г.
Кÿкеçре 1991-1993 çулта çуралнă яшсемпе хĕрсем хушшинче армспорт енĕпе Чăваш Республикин чемпионачĕ иртрĕ. Унта 12 команда, 150 ытла спортсмен хутшăнчĕ. Пирĕн район команди пĕрремĕш вырăна тухрĕ, кубока тивĕçрĕ.
Хăйсен виçинче А. Якупов (Патăрьелĕнчи 1-мĕш вăтам шкул), В. Васильева (ПУ-7), П. Куприянов (Турханти вăтам шкул), В. Макаров (Нăрваш Шăхаль), Н. Чернова (Çĕнĕ Ахпÿрт) республикăра та чи вăйлисем, вĕсене çĕнтерекен пулмарĕ.
А. Алеева, И. Кучатов, Д. Селиванов, В. Портнов (Патăрьелĕнчи 1-мĕш вăтам шкул), А. Адикин, В. Мулендеев (Нăрваш Шăхалĕнчи вăтам шкул), Д. Салеева (Туçари вĕрентÿ центрĕ), Г. Кепечева (Хирти Пикшикри вăтам шкул) та призерсен шутне лекрĕç.
Мала тухнă спортсменсемпе пĕрлех вĕсене ăмăртăва хатĕрленĕ тренерсене – И. Алеева, А. Давыдова, Н. Михайлова Чăваш Республикин Физкультурăпа спорт тата туризм министерствин дипломĕпе чысларĕç. А.АЛЕЕВА.