22 апреля 2009 г.
“Чи класслă класс ертÿçи” республика конкурсĕн пĕрремĕш этапĕ вĕçленнĕ. Пирĕн районшăн вăл питĕ ăнăçлă пулнă. Конкурса Ыхра Çырминчи вĕрентÿ учрежденинчи кĕçĕн звенори класс ертÿçи А. Зейнетдинова, Турханти шкулти вăтам звенори класс ертÿçи А. Ефимова, Сăкăтри вĕрентÿ учрежденинчи аслă звенори Л. Елагина класс ертÿçи хутшăннă.
Комисси конкурса хутшăннисен материалĕсене тишкернĕ, тĕпченĕ хыççăн Ыхра Çырминчи кĕçĕн ушкăнрисен класс ертÿçи Альфрида Альбертовна Зейнетдинова республикăри конкурсăн пĕрремĕш этапĕнче çĕнтерÿçĕ пулни палăрнă. Çывăх кунсенче унăн конкурсăн юлашки этапĕнче çемьепе хатĕрленĕ презентацине хÿтĕлеме тивĕ. Вĕрентекене ăнăçу сунар.