22 апреля 2009 г.
Ăс-хакăл тĕлĕшĕнчен пуян, пысăк тавра курăмлă çын пуласси ачаранах паллă. Çавăнпа та пĕлÿ никĕсĕ çирĕп пултăр тесен ăна пĕчĕккĕллех аталантармалла, тивĕçлĕ воспитани памалла. Çак тĕллевпе иртнĕ эрнере район центрĕнчи “Солнышко” ача садĕнче çул çитмен ачасен учрежденийĕсенчи аслă çулхисем хушшинче “Пурне те пĕлекен” ятпа конкурс йĕркеленĕ. Ăс-хакăла аталантармалли тупăшăва 26-ăн хутшăннă.
Жюри членĕсене ачасен пултарулăхне хак пама çăмăлах килмен. Çапах та Первомайскинчи “Шуçăм” ача садĕнчи Ксения Митта “Пурне те пĕлекен” конкурсăн çĕнтерÿçи пулнă. Тăрăнти пуçламăш шкул – ача садĕнчи М. Илеменова иккĕмĕш, Патăрьелĕнчи “Василек” ача садĕнчи Г. Югаметова виççĕмĕш вырăнсенче.