22 апреля 2009 г.
Ялти клубсене нумай профильлĕ социаллă культура центрĕсем тунă май культура ĕçченĕсен пултарулăхне, çĕнĕ юрă-ташă ушкăнĕсене палăртас тĕллевпе районта тĕрлĕ фестиваль иртсех тăрать.
Райадминистрацин социаллă аталану, информаципе тивĕçтерекен тата архив ĕçĕн пайĕ Патăрьелĕнчи культурăпа кану центрĕпе пĕрле ачасен пултарулăхĕн “Асамат кĕперĕн тĕсĕсем” фестиваль йĕркелерĕ. Вăл Кзыл Чишма, Шăнкăртам, Хирти Пикшик, Туçа, Çĕньял ял тăрăхĕсенче иртрĕ. Кашни ялтах пултаруллă ачасем пур пулин те тĕрлĕ сăлтава пула Нăрваш Шăхаль, Ыхра Çырми ял тăрăхĕсенчен хутшăнаймарĕç.
Вырăнсенче хăйсене пултарулăх енчен кăтартнă ачасен ушкăнĕсем Патăрьелĕнче ирттернĕ гала-конкурсра тĕл пулчĕç. Унта Алманчă, Шăнкăртам, Хирти Пикшик, Туçа, Тăрăн ял тăрăхĕсенчи ушкăнсем хутшăнчĕç. “Пĕччен юрласси” номинацире Тăрăн ял тăрăхĕнчи Андрей Думилин, “Хорпа юрласси” номинацире Шăнкăртам, “КВН” номинацире Тăрăн, “Чи лайăх театр” номинацире Туçа ял тăрăхĕнчи ачасен ушкăнĕсем çĕнтерчĕç. 3-мĕш вырăна – Шăнкăртам, 2-мĕш вырăна – Туçа, 1-мĕш вырăна – Тăрăнти культурăпа халăх пултарулăх творчествин аталану центрĕсене çÿрекен çамрăксем çĕнсе илчĕç.
Пултарулăх ушкăнĕсене Патăрьелĕнчи культурăпа кану центрĕн директорĕ А. Овчинникова, райадминистрацин социаллă аталану, информаципе тивĕçтерекен тата архив ĕçĕн пай начальникĕ С. Викторов саламларĕç, парнесемпе чысларĕç. Пĕрремĕш вырăна çĕнсе илекене компьютер тивĕçрĕ.
А. АНТОНОВА.