22 апреля 2009 г.
Аслă Çĕнтерÿ 64 çул çывхарнă май Патăрьелĕнчи культурăпа кану центрĕнче вăрçă ветеранĕсемпе çамрăксем хутшăннипе “Икĕ çăлтăр: аслашшĕ тата мăнукĕ!” ятпа республика шайĕнчи конкурсăн зонăри тупăшăвĕ иртнĕ. Унта Юхмапа Пăла тăрăхĕнчи ветерансемпе яш-кĕрĕмсĕр пуçне Каçал тăрăхĕнчисем те хутшăннă.
Куракансене уйрăмах Шăнкăртамри Симгатуллинсем: Рафкат Мухамедовичпа мăнукĕ Азат “Синий платочек”; Тикешри Герман Ефремович Павловпа мăнукĕ Дарья Барышникова “Огонек” юрăсене шăрантарни килĕшнĕ.
Конкурса хутшăннă ветерансемпе çамрăксене Тав çырăвĕсемпе пĕрле пĕчĕк парнесем парса чысланă.
А.ИВАНОВ.