22 апреля 2009 г.
Турханти психоневрологи интернатĕнче тĕрлĕ темăпа конкурс ирттересси йăлана кĕчĕ. Хальхинче “Эрудит – 2009” ятпа сканворд тупакансен ăмăртăвĕ пулчĕ. Çак йывăр конкурса кунта ĕçлекен 8 çын тата интернатра пурăнакан пĕр çын хутшăнчĕç.
Сканворд çăмăл мар – пурĕ 263 сăмах. 243 сăмахне хăвăрт тупса А. Бабаев çĕнтерчĕ. С. Соболев 240 сăмахпа иккĕмĕш, А. Алякин 231 сăмахпа виççĕмĕш вырăн йышăнчĕç.
Çĕнĕ йышши ăмăрту пурне те кăсăклантарчĕ, хавхалантарчĕ. Черетлĕ ăмăртăва йышлăн хутшăнасси халех паллă.
О.НИКИТИНА.