30 апреля 2009 г.
Еншикре тĕнче класлă спорт мастерĕн Фаина Краснован парнисемшĕн çăмăлl атлетсен çуркуннехи кросĕ иртрĕ. Кунта 13 вăтам, 6 тĕп шкултан, 13 ял тăрăхĕнчен 427 спортсмен ăмăртрĕ.
Кроса хутшăнакансене район пуçлăхĕн пĕрремĕш çумĕ Р. Селиванов, Пикшик ял тăрăх пуçлăхĕ Н. Маркиданов, районти спортшкул директорĕ В. Платонов саламларĕç, ÿсĕмсем сунчĕç.
Хăйсен çулне кура кросра А. Андреевăпа А. Прокопьева (иккĕшĕ те Ишлĕ шкулĕнчен), М. Ялуков, С. Степанов (иккĕшĕ те Патăрьелĕнчи 1-мĕш шкултан) В. Едифанов (Н. Шăхаль шкулĕ), Н. Кузьмина (Первомайски вĕрентÿ центрĕ) çĕнтерчĕç.
Командăсен хушшинче Первомайски вĕрентÿ центрĕ – пĕрремĕш, Патăрьелĕнчи 1-мĕш вăтам шкул – иккĕмĕш, Аслă Чемен вăтам шкулĕ виççĕмĕш вырăн йышăнчĕç.
Тĕп шкулсен ушкăнĕнче малта Ишлĕ шкулĕ, ик-кĕмĕш вырăнта – Треньел, виççĕмĕшĕнче Шăнкăртам шкулĕсем.
Арçынсен хушшинче çулне кура А. Быков (Çĕнĕ Ахпÿрт), П. Макаров (Аслă Чемен), А. Иванов (Первомайски), А. Давыдов (Комсомольски районĕ) çĕнтерÿçĕсем пулса тăчĕç.
Хĕрарăмсен ушкăнĕсенче çулне кура Е. Каленова (Сăкăт), Т. Кудряшова (Н. Шăхаль), Г. Анисимова (Первомайски) мала тухрĕç.
Пĕтĕм итогсем тăрăх Нăрваш Шăхаль ял тăрăхĕн туслă команди çĕнтерчĕ. Ун хыçĕнче Первомайски ял тăрăхĕн, виççĕмĕшĕнче Аслă Чемен ял тăрăхĕн командисем.
Республикăра чи малтан пукан спорчĕ енĕпе спорт мастерĕ пулса тăнă А.l Пимулин призĕсене çĕнсе илессишĕн Тăвайра кире пуканĕ йăтакансен турнирĕ иртрĕ. 75 килограмлă виçеллисем хушшинче П. Кртин пĕрремĕш, хăйсен виçисенче Р. Вазюковпа И. Чиркин виççĕмĕш, А. Кузнецовпа И. Чернов тăваттăмĕш вырăнсене тухрĕç. Ăмăртăва А. Алексеев тренер те хутшăнчĕ. Вăл иккĕмĕш вырăн йышăнчĕ. Пĕрремĕшĕнче те пирĕн ентешех. Туçара çуралса ÿснĕ Б. Глинкин.
Шупашкарта Чăваш Республикин Кубокĕн программипе шоссе çинче велосипедпаl чупса мала тухмалли ăмăрту иртрĕ. Унта Патăрьелĕнчи спортшкулăн велосипед уйрăмĕнче вĕренекенсем те хутшăнчĕç. Лайăх кăтартусемпе Е. Григорьев – иккĕмĕш, О. Терентьева – пĕрремĕш, А. Михайлова 3-мĕш вырăн (пурте Нăрваш Шăхалĕнчен), М. Емельянов (Çĕньял) виç-çĕмĕш вырăн йышăнчĕç.
Саранск хулинче Атăлçи Федераллă округра штанга йăтса мала тухассишĕн хĕрl ачасемпе арçын ачасен ăмăртăвĕ пулчĕ. Чăваш Республикин пĕр-лештернĕ командинче тупăшса Г. Петрова (Алманчă) пĕрремĕш, М. Камасова (Нăрваш Шăхаль) – виççĕмĕш вырăна тухрĕç.
А.АЛЕКСЕЕВ.