06 мая 2009 г.
Шупашкарта Чăваш патшалăх академи театрĕнче чи лайăх ĕç династийĕсен республикăри VII слечĕ иртрĕ. Унта Чăваш Енрен 35 яхăн династи представителĕсем хутшăнчĕç. Патăрьел районĕнчен – Каншелĕнчи ял хуçалăх ĕçченĕсен Игнатьевсен династийĕ.
Игнатьевсен династийĕн пĕтĕмĕшле ĕç стажĕ 428 çул. Унăн пуçлăхĕ халĕ – 1931 çулта çуралнă Мария Петровна Игнатьева. Вăл хăйĕн пурнăçне ялти “Малалла” хуçалăхра ĕçлесе ирттернĕ. 1976 çулта “Социализмла ăмăрту çĕнтерÿçи” паллăна, “Ĕç ветеранĕ” ята тивĕçнĕ, тыл ĕçченĕ. Стажĕ – 48 çул.
Слета çамрăксемпе пĕрлех Мария Петровна та, Евдокия Кондратьевна та, Клавдия Кондратьевна та хутшăнчĕç. Вĕсем 80 çула та çывхараççĕ.
Мероприятие хутшăннисене чи малтан Чăваш Республикин Президенчĕ Николай Федоров ăшшăн саламларĕ. Унтан ЧР Сывлăх сыхлавĕпе социаллă аталану министрĕ Н. Суслонова сăмах каларĕ, кашни династи пуçлăхне тав хучĕ тата хаклă парне пачĕ.
Мероприяти вăхăтĕнче артистсемпе çамрăк талантсем юрă-ташăпа савăнтарчĕç.
(Хамăр корр.).