15 мая 2009 г.
1941-1945 çулсенчи Аслă Аттелĕх вăрçинче çĕнтерÿ тунăранпа 64 çул çитнĕ ятпа Мускаври Хĕрлĕ площадьре ирттернĕ çар парадне пирĕн ентешсем иккĕн хутшăннă.
Рязаньри сывлăш-десант çар институчĕн колоннине батальон командирĕ В. Сымов подполковник ертсе пынă. Владимир Петрович Упамса чăвашĕ. Асăннă института вăл Псковри сывлăш-десант çар дивизийĕнчи служба хыççăн кĕнĕ. Аслă шкултан вĕренсе тухнă хыççăн 1996 çултанпа курсантсен взвод командирĕнче. Юлашки вунă çулта Турханти шкултан вĕренсе тухнă тăватă выпускник унăн çулĕпе кайнă – çар профессине алла илнĕ.
Çавăн пекех Мускаври Çĕнтерÿ кунĕ ячĕпе йĕркеленĕ парада сывлăшпа десант çар институчĕн иккĕмĕш курс курсанчĕ Николай Киркин та хутшăннă. Вăл Çĕньялта çуралса ÿснĕ.