15 мая 2009 г.
Юлашки çулсенче Патăрьелсемшĕн Çĕнтерÿ кунĕ патшалăх енчен пысăк парнеллĕ пулнипе те палăрса юлать. Хальхинче те ял халăхĕн уяв митингĕнче Канашри ПАТП представителĕ Н. Чернова Республика Президенчĕ Н. Федоров ячĕпе района çĕнĕ автобус парнелерĕ. Вăл Совет Союзĕн Геройĕ, Анат Туçа паттăрĕ Павел Ефимович Кузнецов ячĕпе пулĕ.
П. Кузнецов Аслă вăрçăра 465-мĕш стрелоксен полкĕнче пулнă. Виçĕ хутчен аманнă, Киев хулине ирĕке кăларнă чухне пысăк паттăрлăх кăтартнăшăн СССР Верховнăй Канаш Президиумĕн Указĕпе килĕшÿллĕн “Совет Союзĕн Геройĕ” хисеплĕ ята тата Ленин орденĕпе “Ылтăн Çăлтăр” медаль илме тивĕçнĕ.