20 мая 2009 г.
Район администрацийĕн структура подразделенийĕсен ертÿçисен черетлĕ канашлăвĕнче район пуçлăхĕ Н. Глухов чăн малтанах çурхи уй-хир ĕçĕсене пĕтĕмлетнĕ, ун хыççăн малашлăх ыйтусене çивĕчлетнĕ. Çывăх вăхăтра районта Ачасене хÿтĕлемелли Пĕтĕм тĕнчери куна, Акатуй-Сабантуя, Патăрьел районĕн кунне паллă тумалла. Çавна май çак мероприятишĕн яваплă кашни служба тĕллевлĕ ĕçлемелле. Шкулсенче пĕрлехи патшалăх экзаменĕсене ăнăçлă ирттерсе ярасси, ачасен çуллахи канăвне кирлĕ пек йĕркелесси, çынсене ĕçпе тивĕçтересси – паянхи кун татса памалли ыйтусем. Çавăн пекех масарсене тирпейлес пирки те манмалла мар.
Хальхи вăхăтра районта “Акатуй-Сабантуй” ирттерме комисси туса çирĕплетнĕ.
А. НИКОЛАЕВА.