20 мая 2009 г.
“Инкек куçа курăнса килмест”, – теççĕ ваттисем. Хальхи вăхăтра промышленноçра, транспортра, çут çанталăк пулăмĕсене кура аварисем пулаççĕ.
Патăрьелĕнчи иккĕмĕш номерлĕ вăтам шкулта ачасене инкек-синкекрен сыхланма тĕрлĕ енлĕ вĕрентеççĕ. Уйрăмах ОБЖ предмечĕпе анлăн усă курса ăс параççĕ. Ачасем класс тулашĕнчи мероприятисене хастар хутшăнаççĕ. Районти пушар хуралĕ, милици, ВДПО инструкторĕсемпе тачă çыхăнса тăраççĕ. Ку хутĕнче Н. Селиванова, И. Ванина пушар хуралĕн инструкторĕсем ачасемпе тĕл пулу йĕркелерĕç. Пушар хуралĕн историйĕпе паллаштарчĕç, вут-çулăмпа асăрхануллă пулмаллине асăрхаттарчĕç. Шкулта “Çулăм тата ачасем” темăпа выставка йĕркелерĕмĕр. Ачасем сăвăсем, макетсем, муляжсем, ÿкерчĕксем, рефератсем турĕç. Е. Горбунова, Я. Васюткина сăввисем, С. Антипов, Т. Арланова макечĕсем, Э. Наумова, Т. Арланова, К. Иванов, С. Антонов, К. Жукова, Д. Павлова, А. Полякова ÿкерчĕкĕсем Хисеп хучĕсене тивĕçрĕç, районти выставкăна хутшăнма пултарчĕç. Çавăн пекех 5-мĕш “а” класра вĕренекенсем пушар хуралĕн музейне кайса курчĕç. Н. Селиванова инструктор кунти экспонатсемпе паллаштарчĕ. Ачасем пушар сÿнтермелли техникăсемпе кăсăкланчĕç, йывăр профессие суйласа илекенсем те пулчĕç.
В. АНТИПОВ.