Публикации » ÇУРХИ КРОСС ИРТРĕ

20 мая 2009 г.

Аслă Чеменри вăтам шкулта çуркун-нехи кросс иртрĕ. Ачасем унта йышлă хутшăнни, спортпа туслă пулни савăнтарать. Кĕçĕн классенче вĕренекенсенчен А. Петрова, И. Никифоров, К. Иванова тата Ф. Антонов финиша чи малтан чупса çитрĕç. 5-7-мĕш классенче вĕренекенсем хушшинче Д. Фроловпа М. Самделова чи лайăх вăхăт кăтартрĕç. Кĕçĕнни пулин те А. Семенова 3-мĕш вырăна тухма пултарчĕ. 8-9-мĕш классенче вĕренекенсем 2000 метра чупрĕç. Кунта В. Самделовăпа А. Абрамов çĕнтерÿçĕсем пулчĕç. Аслă классенчи арçын ачасенчен Д. Иванов О. Михайловран 3 çеккунт маларах çитрĕ. Хĕр ачасенчен, яланхи пекех, Н. Иванова финиша пĕрремĕш кĕчĕ.

Н. КОШЕЛЕВА.