23 мая 2009 г.
Паллашăр: Чăваш наци радиовĕ Чăваш Республикин Культура, национальноçсен ĕçĕсен, информаци политикин тата архив ĕçĕн министерстви çапла пĕлтерет: апрелĕн 25-мĕшĕнче – Чăваш чĕлхин кунĕнче – “Национальное радио Чувашии – Чăваш Ен” радион сăнавлă передачисем пуçланчĕç. Майăн 7-мĕшĕнче унăн кăларăмĕсене Интернетра пама пикенчĕç. Çапла вара тăван чĕлхепе паракан передачăсене Чăваш Республикин тулашĕнче пурăнакансем те итлеме пултараççĕ (mms:ŸŸmedia.cap.ruŸСhuvRadio).
Наци радиовĕн вещани концепцийĕ, кăларăмсен программи, контактлă тата ытти васкавлă хыпарсем çинчен Чăваш Ен Культура министерствин ятарлă баннерĕнче пĕлме пулать (www.culture.cap.ru).
Чăваш наци радиовĕ Раççей Федерацийĕн субъек-чĕсенче тата ют çĕр-шывсенче ĕçлекен наци-культура пĕрлешĕвĕсен ĕçĕ-хĕлне çутатса тăрĕ. Çавна май çĕр-шывăн тĕрлĕ регионĕсенче пурăнакан чăвашсен культури, йăли-йĕрки пирки кăларăмсен ярăмĕсене хатĕрлеме палăртнă.