23 мая 2009 г.
Халăх йăли-йĕркине сыхласа хăварас, ламран-лама куçарса пырас тĕллевпе Патăрьелĕнчи культурăпа кану центрĕ йĕркеленĕ алă ăстисен конкурсне пĕтĕмлетнĕ. Çĕр ĕçченĕн çулталăкне халалланăскер, икĕ тапхăрпа иртнĕ. Алă ăстисем хăйсен ĕçĕсене чăн малтанах ял тăрăхĕсенчи курава тăратнă. Чи-чи лайăххисем вара район шайĕнчи конкурса хутшăнма тивĕçнĕ.
Икĕ эрнене тăсăлнă курава мĕн пурĕ 401 çын хапăл тунă. Ăста тĕрлекенсен, çыхакансен, шăрçапа тĕрлĕрен япаласем тăвакансен конкурсне 64 маçтăр хутшăннă. Уйрăммăн илсен тĕрлекенсенчен Шăхачри А. Стефейкина, çыхакансенчен Пăлапуç Пашьелĕнчи О. Никитина, шăрçапа ăсталакансенчен Сителти Н. Соколова пĕрремĕш вырăнсене йышăннă.