23 мая 2009 г.
Шăнкăртам вăрманĕнчи “Хĕвеллĕ” уçланкăра районти шкул ачисен “Орленок” тата “Зарница” вăййисем иртрĕç. Вĕсем вĕренекенсен чăтăмлăхне, ăсталăхне тĕрĕслерĕç. Çавăн пекех ачасен пуçарулăхне, кирлĕ вăхăтра хăйсем тĕллĕн татăклă йышăну тума пултарнине, çарпа патриотла воспитани илнине, физкультурăпа спорт енчен пиçĕхсе ÿснине хаклама май пулчĕ.
Тĕрлĕ ăмăрту, хаваслă кану, уçланкăра пĕçернĕ салтак пăтти пурне те килĕшрĕ.
Конкурссенче, вăйăсенче мала тухнисем Хисеп грамотисене тивĕçрĕç. Паян вара вĕсем парта хушшинче. Вĕренÿ çулĕ вĕçлениччен шутлă кунсем юлчĕç. Хаваслă кану хыççăн вун-пĕрмĕшсемпе тăххăрмĕшсене экзаменсем кĕтеççĕ.
А. ИВАНОВА.