23 мая 2009 г.
Ольга Казеева Ишлĕри тĕп шкулта саккăрмĕш класра вĕренет. Вĕренÿре те лайăх ĕлкĕрсе пыраканскер “Самант” журналăн хуплашки çине пичетленекен сконвордсене тупма юратать. Пуçватмăшсен конкурсĕнче Оля виçĕ хутчен çĕнтерÿçĕ пулса парне илме тивĕçрĕ. Конкурсра палăрма вара пачах та çăмăл мар. 70-75 ачаран икĕ вылява çеç вăййа кĕртеççĕ. Апла пулсан Оля питĕ анлă тавракурăмлă тесе хакламалла.
Ырă пуçару пурнăçа кĕтĕр
Кăçалхи июньте Афган вăрçин участникĕ Валерий Михайлович Анисимов сарăмсăр вилнĕренпе 13 çул çитет. Вăл десантник-пулеметчик, 108-мĕш Витебск гварди дивизийĕнче хĕсметре пулнă. Салтак вунпĕр уйăх инçетри Афганистан çĕр-шывĕнче душмансемпе çапăçнă. Контузи пулнă, сарамак чирĕпе чирленĕ.
Десант çарĕсен уявĕ тĕлне паттăр салтак çуралса ÿснĕ çурт çине Асăну хăми çапса масар çине палăк лартасшăн. Ырă пуçарăва ырласа укçа-тенкĕпе пулăшас текенсене ял тăрăх администрацийĕпе çыхăнма сĕнесшĕн.
В.ЗАЙЦЕВ.