30 мая 2009 г.
Чăваш патшалăх университетĕнче Пĕтĕм Раççейри “Тĕнчери финанспа экономика кризисĕн ăс-хакăлпа кăмăл-сипет енĕсем” наука-практика конференцийĕ иртнĕ. Конференцире обществăна ăс-хакăлпа кăмăл-сипет енĕпе сыватас тĕлĕшпе ĕçлени финанспа экономика кризисĕнчен тухма пулăшассине палăртнă. Ку енĕпе пирĕн ентеш Л.П. Кураков ертсе пыракан ЧПУ опычĕ пысăк пĕлтерĕшлĕ. Çавăнпа та республикăн тĕп аслă шкулĕ çĕнсе илнĕ наградăна та кунтах панă.
«Православи Раççейĕ» юхăм» общество хисепне çĕнсе илнĕшĕн, халăхшăн ырми-канми ĕçленĕшĕн, аслă Раççее ĕненнĕшĕн, тăван çĕр-шыва парăннăшăн, наукăпа вĕрентĕве аталантарас ĕçе пысăк тÿпе хывнăшăн, ăста кадрсем хатĕрленĕшĕн тата çамрăксене воспитани панăшăн” ЧПУна орден хăйăвĕллĕ “Хăвăра хĕрхенмесĕр вăй хунăшăн” ялавпа чысланă, университетри чылай ĕçчен юхăм медалĕсене тивĕçнĕ.