Публикации » Сĕтеклĕ сĕт йÿнелет, пылак шыв хакланать.

20 июня 2009 г.

Паян пилĕк авса, тар кăларса продукци туса илекен çĕр ĕçченне пурнăçа сыпăнтарса пыма пĕрре те çăмăл мар. Чылайăшĕ мал ĕмĕтпе выльăх-чĕрлĕх усрать, пахча çимĕç çитĕнтерет. Анчах вăл туса илекен продукци ытла та йÿнĕ-çке. Сăмахăма хальхи вăхăтра пурне те пăшăрхантаракан сĕт хакĕ пирки пуçласшăн. Ку чухне ăна районта халăхран литрне 3,5-5 тенкĕпе пуçтараççĕ. Сĕтеклĕ сĕт хакĕ çулталăкра 2-3 хут чакрĕ! Хресченшĕн çакă мăшкăл мар-и-ха; Çав вăхăтрах магазинсенчи шыв пĕр литрĕ 15 тенкĕ тăрать! Кун пек шăрăх çанталăк тăрсан вăл тата та ÿсĕ-ха. Ялсенче килти хушма хуçалăхра 2-3 ĕне усракансем чылайăшĕ выльăх йышне чакарнине те калаççĕ. Хăçанччен тăсăлать-ши çак хирĕçле юхăм;