27 июня 2009 г.
Çĕртме уйăхĕн 28 – утă уйăхĕн 12-мĕшĕсенче Чăваш Ишекĕнче тата Турханта Пĕтĕм тĕнчери Кокель ячĕллĕ III пленэр иртĕ. Пултарулăх ушкăнĕнче паллă ÿнерçĕсемпе творчество çыннисем пулĕç.
Ÿнерçĕсем А. Кокелĕн тăван çĕр-шывĕнче 300 ĕç пурнăçланă. Вĕсенчен 23-шĕ хальхи ÿнерçĕсен Турханти картина галерейине никĕслеме пулăшнă. Тата тепĕр ушкăнне И.Н. Ульянов ячĕллĕ Чăваш патшалăх университетĕнче тин çеç уçăлнă ÿнер музей фондне панă. Çавăн пекех чăваш ялне сăнланă хăш-пĕр картина хамăр çĕр-шыври, Украинăри, Ирландири, Францири, Италири, Китайри музейсене тата уйрăм коллекцисене илем кÿрет. Çакă, паллах, пирĕн район мăнаçлăхĕ, чысĕ, мухтавĕ.