27 июня 2009 г.
Шăхач ял тăрăхĕн делегацийĕ, «Умарина» художество пултарулăх коллективĕ регионсем хушшинчи мордва халăх творчествин «Арта» фестивальне хутшăнса Пăрачкав çĕрĕ çинче пулнă.
Ял тăрăх пуçлăхĕ Н. Ляпкин аякри хăнасене уяв ячĕпе саламланă. Шăхачри пултарулăх ушкăнĕ фестивале килнĕ аякри-çывăхри пултарулăх ăстисене мордва халăх юррисемпе савăнтарнă, çветтуй Троица ячĕпе хатĕрленĕ «Хурăн» юрăпа ташă сюитипе саламланă.
Шăхачсем аякри çултан пушă алăпа таврăнман. Фестивале хастар хутшăннăшăн, сцена çинчи пултарулăхшăн, мордва халăх йăли-йĕркине тытса пынăшăн «Умарина» пултарулăх коллективĕ Хисеп грамоти илме тивĕçнĕ.