04 июля 2009 г.
Раççей çамрăкĕсен кунĕнче Шупашкарти оперăпа балет театрĕн Пысăк залĕнче çамрăк çемьесен тата социаллă видеороликсен клубĕн республикăри фестивалĕ иртнĕ. Унта пирĕн район чысне финала тухнă виçĕ çемье: Тутар Сăкăтĕнчи Вахитовсем, Алманчăри Чихинсем, Ыхра Çырминчи Зейнетдиновсем хÿтĕленĕ.
Фестиваль питĕ пуян та пысăк содержаниллĕ иртнĕ. Клубсен презентацийĕ пĕр-пĕрин опычĕпе творчествăлла паллашнă евĕр пулнă. Ачасем валли ятарласа юмахри паттăрсене явăçтарса илĕртÿллĕ программа хатĕрленĕ.
Республикăри конкурса хутшăнса Ыхра Çырминчи Зейнетдиновсен çамрăк çемйи «Йăхран йăха куçса пыракан йăла-йĕркене упранăшăн» номинацире çĕнтерсе Чăваш Республикин Вĕрентÿ тата çамрăксен политикин министрĕ Г. Чернова аллинчен диплома тата кубока илме тивĕçнĕ. Çакă районти ытти çамрăк çемьесемшĕн те ырă тĕслĕх.