08 июля 2009 г.
Утă уйăхĕн 3-5-мĕшĕсенче Коми Республикинчи Выльгорт ялĕнче халăх юррисен «Завалинка» фестивалĕ иртнĕ. Пĕтĕм Раççейри культурăллă пысăк меро-приятие пирĕн районтан Владимир Верликов ертсе пыракан Каншелĕнчи «Çăлкуç» халăх фольклор ансамблĕ те хастар хутшăннă.
15 çул ытла сцена çинче хăйсен пултарулăхне кăтартса пуян опыт пухнă ансамбль репертуарĕ тулли содержаниллĕ пулнă. Аякри хăнасене, чăвашсене вĕсем анатри чăвашсен йăла юррисемпе, вырăнти такмаксемпе, ташăсемпе савăнтарнă. Паллă артистсенчен йĕркеленĕ хисеплĕ жюри «Çăлкуç» фольклор ансамбль пултарулăхне пысăка хурса хакланă, «Халăх йăли-йĕркине упраса хăварас» номинацире çĕнтерÿçĕ ятне тивĕçни çинчен пĕлтернĕ.
Кÿршĕсемпе паллашма, хăйсене кăтартма кайнă ансамбль членĕсем инçе çулçÿреврен хавхаланупа таврăннă.