15 июля 2009 г.
Çемье, юратупа шанăçлăх кунĕнче районти хĕрарăмсен ХХIII отчетпа суйлав конференцийĕ иртрĕ. Хĕрарăмсен районти канашĕн председателĕ О. Гусарова малтанах республикăри хĕрарăмсен канашĕн саламне вуласа пачĕ. Унтан вăл 2006 çулхи ноябрьтен пуçласа 2009 çулхи паянхи кунччен районти канаш туса ирттернĕ ĕçсемпе паллаштарчĕ.
Районти канаш хăйĕн ĕçне «Чăваш Енри хĕрарăмсен канашĕ» обществăллă организаци уставĕпе, Чăваш Республикинчи хĕрарăмсен 14-мĕш съезчĕн, районти 22-мĕш конференцийĕн йышăнăвĕсемпе, палăртнă плансемпе килĕшÿллĕн пурнăçласа пынă. Отчетлă тапхăрта 6 семинар-канашлу, президиумăн 12 ларăвне ирттернĕ. Семинар-канашлусенчен 5-шне вырăна тухса йĕркеленĕ. Вĕсенче кулленхи пурнăçпа çыхăннă ыйтусене сÿтсе явнă. Хĕрарăмсен представителĕсем район пуçлăхĕпе Н. Глуховпа, район шайĕнчи тĕрлĕ ертÿçĕпе тĕл пуласси йăлана кĕчĕ. Çакă ĕç эффективлăхне ÿстерме самаях пулăшнă. Хĕрарăмсен канашĕ воспитани ыйтăвĕсене кулленхи кун йĕркинче тытнă. Меро-приятисене район, ял тăрăхĕсен ертÿçисемпе çыхăнса ирттерни нумай усă кÿрет.
Отчета сÿтсе явма социаллă хÿтлĕх пайĕн начальникĕ Ф. Майорова, патшалăх учрежденийĕсенче ĕçлекенсен профсоюз райкомĕн председателĕ Т. Казначей, райбольницăн тĕп врачĕн çумĕ Н. Надина тата ыттисем те пурĕ 11 çын хутшăнчĕ. Вĕсем ĕçе лайăхлатма усăллă сĕнÿсем пачĕç.
Конференци ĕçне район пуçлăхĕн пĕрремĕш çумĕ Р. Селиванов хутшăнчĕ, сăмах каларĕ.
Конференцие хутшăннисем районти хĕрарăмсен канашĕн çĕнĕ йышне, республикăри съезда кайма делегатсем суйларĕç, председатель пулма О. Гусаровăнах шанчĕç.
А. АЛЕКСЕЕВ.