Публикации » Ырă çынсем йывăç лартаççĕ, теприсем ăна качакана çитереççĕ

15 июля 2009 г.

Кашни çыннăн хăйĕн ĕмĕрĕнче çурт-йĕр çавăрса ача-пăча çитĕнтернисĕр пуçне йывăç лартса ырă ĕç тумалла. Патăрьелĕнчи Владимир Павлович Енилин ăна хăй пурнăçĕнче пайтах лартнă. Чылайăшĕ вĕсенчен турат çумне турат хушса ватăлма та ĕлкĕрнĕ. Паян çулланнă çынна урăх ыйту канăç памасăр пăшăрхантарать. Кăçалхи çуркунне вăл пĕр ÿркенмесĕр ял масарĕ çывăхĕнчи кÿлĕ йĕри-тавра 87 тĕп йывăç лартнă. Иртнĕ çул Алешевсем çапла ĕçленĕ. Анчах та çак ял вĕçĕнче пурăнакан хăш-пĕр явапсăр çынсем качакисене ирĕке янăран, вĕсене çав каçрашкасем кăшласа хăртаççĕ. Пĕрисем ырă ĕç тунă чухне теприсен усал тума епле алли çĕкленет-ши; Вăл тавралăх илемĕшĕн тăрăшать-çке.