15 июля 2009 г.
Районти халăха ĕçпе тивĕçтерекен центрта темиçе çул ĕнтĕ 14-18 çулсенчи ачасене вăхăтлăха ĕçе вырнаçтарас тĕлĕшпе йышăннă программа ăнăçлă ĕçлет. Çакă чăн малтанах çул çитмен ачасене професси хăнăхăвне алла илме, ĕç рынокĕнче хăйсен вырăнне тупма, вăхăта усăллă ирттерме пулăшать.
Асăннă программăпа килĕшÿллĕн кăçал çул çитмен 500 çамрăк ĕçе вырнаçмалла. Ку тĕлĕшпе патшалăхран та пысăк пулăшу пур. Федераллă бюджетран çак мероприятисене ирттерме 357500 тенкĕ, вырăнтинчен 25 пин тенкĕ уйăрнă. Ĕçе пурнăçланăшăн çул çитмен граждансем 850 тенкĕрен кая мар хавхалантару укçине те илеççĕ.