Публикации » Кĕсье телефонĕ преступлени сăлтавĕ ан пултăр

15 июля 2009 г.

Паян кашни иккĕмĕш çын çеç те мар тата ытларахăшĕ кĕсье телефонĕпе çÿрет темелле. Меллĕ çыхăнăва аслисем çеç мар, ачасем те хăнăхрĕç. Анчах вĕсене тепĕр чухне çак «чир» преступлени тăвас çул çине илсе пырать. Пĕрисем ăнланса, теприсем ăнланмасăрах ют пурлăха вăрласа хăйсен тăваççĕ. Нумай пулмасть йĕрке хуралçисем Тутар Сăкăтĕнче çакнашкал факта шута илнĕ. Кĕçĕн класра вĕренекен ачан айванлăхĕшĕн ашшĕ-амăшĕн явап тытма тивнĕ. Çавăнпа та кĕсье телефонĕ преступлени сăлтавĕ ан пултăр тесен шкула ăна пач та илсе каймалла мар, обществăлла вырăнта чухне вара кĕçĕннисен те, аслисен те питĕ асăрхануллă пулмалла.