15 июля 2009 г.
Хĕл хырăмĕ аслă, выльăх апатне çителĕклĕ хатĕрленинчен ырри нимĕн те çук. «Родина» хуçалăхра утă 140 тонна янтăланă, выльăхсене сивĕ кунсене ирттерсе ямалăх пур. Халăха 170 тонна сутнă, кăмăл тăвакансем паян та туянма пултараççĕ. Пресласа çавракасем туса хунă. Н. Степанов тракторист хăех КРН – 2,1 косилкăпа çулать, пресспа тирпейлет.
Халĕ хуçалăхра сенаж хатĕрлес тапхăр пырать. Выльăхсен йышне кура ăна 600 тонна янтăлама палăртнă, 500 тонна таптаса пусăрăнтарса хунă. Ферма çывăхĕнче пулнăран хĕл кунĕнче выльăхсем патне турттарма та инçе мар.
Симĕс курăка вырнă çĕрте Н. Шакеев механизатор «Волга-2» агрегатпа ĕçлет. А. Цыганов, Ф. Шакеев, Ю.Иракин трактористсем хăйсене шаннă «хур-çă утсемпе» турттараççĕ. П. Трифонов Т-150 тракторпа таптаса тăрать.
О. ПАВЛОВА.