25 июля 2009 г.
Алманчăсем ялти ятлă-сумлă çынна В. Васильева 75 çул тултарнă ятпа чысларĕç. Василий Ивановича шкул ачисем, Ленин ячĕллĕ çĕр ĕç фирмин ертÿçи, ĕçченĕсем, ял тăрăхĕн администрацийĕ, тивĕçлĕ канăва тухнисем, пĕр тăванĕсем, ачисем саламларĕç. Ятарласа тунă стенд унăн ĕçĕ-хĕлне çутатрĕ. Саккăрмĕш класа куçнă Н. Киргизовăпа Шупашкартан яла каникула килнĕ Н. Киргизова ывăлĕ Борис чĕрене тыткăнламалла юрă, кĕвĕ-çемĕ кăларчĕç. Васильевсен ят-сумĕ çĕре ÿкменрен, чыс-хисепĕ ÿссе пынăран юбилярăн савăнăç куççулĕ тухрĕ.