05 августа 2009 г.
Чăваш Республикин Культура, национальноçсен ĕçĕсен, информаци политикин тата архив ĕçĕн министерствин коллегийĕн анлă ларăвĕ иртнĕ. Ларăва Роза Лизакова министр ертсе пынă. Кун йĕркинче министерство тата ăна пăхăнса тăракан организацисем 2009 çулхи пĕрремĕш çур çулта мĕнле ĕçлени çинчен ыйту тăнă. Тĕп докладсене министр çумĕ Т. Казакова тата министерствăн пай пуçлăхĕ А. Магарин тунă. Вĕсенчен çакă палăрнă: паянхи пурнăçра кризис йывăрлăхсем кăларса тăратрĕ пулсан та отрасль малаллах талпăнать, аталанать. Наци библиотекине, Опера театрне, Чăваш патшалăх ÿнер музейне юсама республика бюджетĕнче 126 миллион тенкĕ уйăраççĕ. Театрпа концерт организацийĕсем 1367 спектакльпе концерт кăтартнă. Ку кăтарту пĕлтĕрхинчен ытларах.
Массăллă информаци хатĕрĕсем 2009 çулхи конкурссенче çĕнтерсе 4,7 миллион тенкĕне тивĕçнĕ. Хаçат редакцийĕсем çĕнĕ меслетпе ĕçлесси çине куçса пыраççĕ. Чăваш наци радиовĕ ĕçлеме пуçланă. Республика тата район хаçачĕсен тиражĕсем чакман. Чăваш кĕнеке издательстви 47 ятпа кĕнеке кăларнă.
Коллегире лайăххипе пĕрлех кăлтăксене те палăртнă.