08 августа 2009 г.
Çак кунсенче Патăрьел районĕнче Сауд Аравин тĕп хулинчи Эр-Риядри стройкомпанин генеральнăй директорĕ Ибрагим Хусейн пулчĕ. Хăна Чăваш Ене Чăваш Республикинчи Мăсăльман Тĕн управленийĕ чĕннипе килнĕ.
Малтанах Раççейри Аслă муфтин пĕрремĕш çумĕ, ЧР Мăсăльман Тĕн управленийĕн председателĕ Альбир–хазрат Крганов хăнана хăйĕн пĕчĕк çĕр-шывĕпе – Шăнкăртам ялĕпе паллаштарчĕ.
Çав кунах Ибрагим Хусейнпа Альбир Крганов Патăрьел район пуçлăхĕпе Николай Глуховпа тĕл пулчĕç. Н. Глухов районта пурăнакан нумай наци çыннисен йăли-йĕрки, вĕсем килĕштерсе пурăнни, тĕнсен учрежденийĕсем туслă ĕçлени çинчен каласа пачĕ, район пурнăçĕпе, малашлăхĕпе паллаштарчĕ. Хăна хăйĕн шухăш-кăмăлне те пĕлтерчĕ.
Тĕл пулу ĕçлĕ, çÿллĕ шайра иртрĕ.
(Хамăр корр.).