22 августа 2009 г.
Çак ятлă операци Патăрьел районĕнче çулсерен иртет. Раççейре вăл августăн 17-мĕшĕнче пуçланнă, сентябрĕн 13-мĕшĕнче вĕçленет. Унăн тĕллевĕ – ачасемпе çыхăннă çул-йĕр инкекĕсем август-сентябрь уйăхĕсенче нумайрах пулнипе асăрхаттаруллă ĕçе вăйлатасси, ачасен умĕнчи хăрушлăха сирсе ярасси.
Операци вăхăтĕнче ГИБДД ĕçченĕсем шкулсем вырнаçнă урамсемпе çулсен пахалăхне, çул-йĕр паллисене тĕрĕслеççĕ, ача-пăчана турттарассипе çыхăннă автопред-приятисенче ĕçлекенсемпе, шкул автобусĕсен водителĕсемпе инструктаж ирттереççĕ, автобуссене хăрушсăрлăх хатĕрĕсемпе тивĕçтернипе кăсăкланаççĕ.
Шкулсенче çул çинчи хăрушсăрлăх ыйтăвĕсемпе çыхăннă мероприятисем ирттермелле.