26 августа 2009 г.
Вут-çулăма хирĕç кĕрешекенсен хăйсен ĕçĕнче вăр-вар та, правур та пулмалла. Çак енсене çирĕплетес тесен пушарниксен уйрăмах спортпа çирĕп çыхăну тытмалла. Ку тĕлĕшпе вĕсем хăйсен пултарулăхне туптасах тăраççĕ. Акă, сăмахран, иртнĕ эрнекун районти 26-мĕш пушар уйрăмĕнче Комсомольски, Шăмăршă, Елчĕк, Патăрьел районĕсем хушшинче волейбол турнирĕ иртнĕ. Турнира уçма райадминистрацин гражданла оборона тата чрезвычайлă лару-тăру пайĕн пуçлăхĕ Г. Каллин, Патăрьелĕнчи пушара хирĕç кĕрешекен служба отрячĕн пуçлăхĕ А. Силюков хутшăннă, спортсменсене ăнăçу суннă.
Тупăшу хĕрÿ иртнĕ. Юлашкинчен чи кăтартуллă вылякансем Каçалсем пулни палăрнă. Иккĕмĕш вырăнта Патăрьелсем, виççĕмĕшĕнче – Шăмăршăсем. Çĕнтерÿçĕ – команда çак кунсенче республика шайĕнчи ăмăртăва хутшăнĕ.