Публикации » Эрне вĕçĕ – тирпей-илем кунĕ

26 августа 2009 г.

Кирек мĕнле пархатарлă ĕçе те йăлана кĕртме пулать. Акă, миçемĕш çул ĕнтĕ район центрĕнче кашни эрнекун организаци, предприяти коллективĕсем кар тăрса субботника тухаççĕ, эрне тăрăшшĕпе сапаланнă çÿп-çапа пуçтараççĕ. Иртнĕ эрнекун та Патăрьелĕнче субботник активлă иртнĕ. Хальхинче вара пуçтарăннă çÿп-çапа нумаях пулмасть туяннă ятарлă автомашина пулăшнипе тиесе кайнă. Пытарма кирлĕ мар, культура шайĕ çитменрен, хăшĕ-пĕри тирпейлĕ утма çул çинех эрех-сăран пушă кĕленчисене те лартса хăварма пултарать тата ытти. Пĕрисем тирпейленине теприсем пач та курмаççĕ-ши;