26 августа 2009 г.
Часах ачасем парта хушшине ларĕç. Çавна май вĕсен хăрушлăхĕ те пысăкланать: çул урлă каçасси, пушар хăрушлăхĕ тата ытти те.
Ачасем пушар хăрушсăрлăхне пăхăнччăр тата пĕлччĕр тесен, ашшĕ-амăшĕ йĕркене каласа ăнлантармалла, асăрхаттарсах тăмалла. Шкулта вара ăнлантаруллă ĕçе вĕрентекенсен туса пымалла : тĕрлĕ калаçу, вăйă ирттермелле, кинофильмсем кăтартмалла.
Пĕчĕк шăпăрлансем 1-мĕш класа кайĕç. Тĕлĕнмелли нумай пулĕ вĕсемшĕн шкулта, анчах та пушар хăрушсăрлăхĕ пирки асăрхаттарма та манас марччĕ. Ашшĕ-амăшĕн вара ачасем шкул хыççăн килте хăйсем çеç ан юлччăр тесе тăрăшмалла. Пĕччен юлсан инкек пулас хăрушлăхĕ пысăк.
А АНДРЕЕВА ВДПО инструкторĕ.