Публикации » Стипендиатсем паллă

29 августа 2009 г.

Çивĕч ăс-тăнлă, талантлă, вĕренÿре пысăк çитĕнÿсем тунă ачасене хавхалантарас тĕллевпе çулленех район пуçлăхĕн стипендийĕпе тивĕçтереççĕ. 2009-2010 вĕренÿ çулĕнче сумлă стипендие 5 ача илсе тăрĕ. Вĕренÿри хастарлăхшăн çак чыса Шăнкăртамри 2-мĕш номерлĕ вăтам шкулта Х класра вĕренекен Диляра Юнусова, гуманитари ăслăлăхĕнчи çитĕнÿсемшĕн Туçари вĕрентÿ центрĕнче XI класра вĕренекен Оксана Баранова, ÿнерпе культурăри пултарулăхшăн Патăрьелĕнчи 1-мĕш номерлĕ вăтам шкулта VIII класра вĕренекен Анна Шулаева, экологипе çут çанталăк сыхлавĕнче палăрнăшăн Çĕньялти вăтам шкулта Х класра Ирина Михеева, физкультурăпа спортра лайăх кăтартусем тунăшăн Алманчăри вăтам шкулта Х класра вĕренекен Галина Петрова тивĕçнĕ.