29 августа 2009 г.
Августăн 19-21-мĕшĕсенче районти вĕрентÿ учрежденийĕсем 2009-2010 вĕренÿ çулне мĕнле хатĕрленнине тĕрĕслемелли смотр иртрĕ. Вăл çакна кăтартса пачĕ: вĕрентÿ тата шкул çулне çитмен ачасен учрежденийĕсем вĕренÿ çулне лайăх хатĕрленес, вĕрентÿпе воспитани ĕçне йĕркелеме хăтлă лару-тăру туса хурас тĕлĕшпе чылай тăрăшнă.
Комисси смотр итогĕсене пăхса тухса «Пирĕн çĕнĕ шкул» номинацире Туçари вăтам шкул, Кивĕ Ахпÿртри тĕп шкул, Упамсари пуçламăш шкул-ача сачĕ, Па-тăрьелĕнчи «Солнышко» ача сачĕ чи лайăххи тесе палăртрĕ. Çавăн пекех чи лайăх кабинет, чи лайăх музей, чи лайăх библиотека, чи лайăх чечек йăранĕ, чи лайăх вĕрентÿпе опытлă участок, чи лайăх географи площадки, чи лайăх мастерской, чи лайăх методкабинет, чи лайăх столовăй, чи лайăх спорт бази ячĕсем те паллă.
Çĕнтерÿçĕсене августри канашлура чысларĕç, малашне те ăнăçлă ĕçлеме хавхалантарчĕç. А. АЛЕКСЕЕВ.