Публикации » Янăрарĕ пĕрремĕш шăнкăрав

02 сентября 2009 г.

Ĕнер пĕтĕм çĕр-шыври пекех пирĕн районти шкулсенче те çĕнĕ вĕренÿ çулĕ пуçланнине пĕлтерсе кĕмĕл саслă шăнкăрав янăрарĕ. Районти 5432 ачашăн хĕрÿ тапхăр пуçланчĕ. Вăл шутран 435-шĕ пуçласа парта хушшине ларчĕ. Раççей Федерацийĕн Вĕрентÿпе ăслăлăх министерстви сĕннипе тата ырă пуçарăва Чăваш Республики ырланипе районти пур шкулсенче те пĕрремĕш урокра чăтăмлăх (толерантность), Раççейри халăхсен культури тавра калаçу пынă. Ку ыйту Юхмапа Пăла тăрăхĕшĕн те ют мар: чăваш, тутар, вырăс, ирçе тата ытти наци çыннисем район пуласлăхĕшĕн вăй хураççĕ. Пĕлÿ çурчĕсенче уяв линейкисем мĕнлерех иртни пирки çитес номерте тĕплĕнрех паллаштарăпăр. А. ИВАНОВ.