02 сентября 2009 г.
Районти шкулсенчи пуçламăш классене вĕрентекенсен пĕр ушкăнĕ Шупашкарта иртнĕ форума хутшăннă. Делегацие райадминистрацин вĕрентÿ пайĕн информаципе методика центрĕн директорĕ Ю. Миронова ертсе пынă. Форум августăн 26-мĕшĕнче иртнĕ. Унта «Вĕренĕвĕн çĕнĕ стандарчĕсем – уйрăм çыннăн çитĕнĕвĕсен тата Чăваш Ене нумай вăхăт аталантарассин никĕсĕ» темăна сÿтсе явнă.
Августăн 27-мĕшĕнче Патăрьел район пуçлăхĕ Н. Глухов ертсе пынипе вĕрентÿ учрежденийĕсен 21 представителĕнчен тăракан делегаци республикăри вĕрентÿ ĕçченĕсен конференцине хутшăннă. Вăл çакăн пек темăпа иртнĕ: «Чăваш Республикинче «Пирĕн çĕнĕ шкул» наци вĕренÿ пуçарăвне пурнăçласси».
Район делегацийĕ, республикăри конференцие on-line режимпа пăхнă педагогика коллективĕсем, обществăллă пĕрлешÿсен представителĕсем Чăваш Республикин Президенчĕ Н. Федоров, хăйсен ĕçтешĕсем конференцире каланă сăмахсенче илсе кăтартнă чи çивĕч ыйтусемпе тĕллевсем паянхи кун пысăк пĕлтерĕшлине палăртрĕç. Çĕнĕ вĕренÿ çулне вĕсене пурнăçлама хастар хутшăнас ĕмĕт-шухăшпа пуçларĕç. (Хамăр корр.).