Публикации » Çул çитменнисем каçхи «операцинче» çакланнă

02 сентября 2009 г.

Пурнăçра кирек мĕнле ашшĕ-амăшĕ те хăйĕн ачине усал ĕçпе çыхăнма вĕрентмест ĕнтĕ. Камăн хăйĕн пепкипе мăнаçланас килмест-ха. Анчах тепĕр чухне пуçтах ачасем тупăнаççех. Кĕçнерникун каçхине, сăмахран, Патăрьелĕнчи «Дружба» урамĕнчи апат-çимĕç магазинне 14-15 çулхи ачасем вăрра кĕнĕ. Çакскерсем ытти вăрттăн-хĕрттĕн çула шыраман, магазин алăкне хирсе çĕмĕрсех «операцие» пуçăннă. Анчах та çул çитмен ачасемшĕн ухата ăнăçлах пулман. Апат-çимĕç илме кĕнĕ ачасене ведомствăна пăхăнман хуралти милицисем çийĕнчех ярса тытнă. Район центрĕнчи шкулта вĕренекен усал шухăшлă ачасем пирки халĕ уголовлă ĕç пуçарас ыйту тăрать. Айван ăспа апăршасем çап-çамрăкла питне ĕмĕрлĕхе вараларĕç.