02 сентября 2009 г.
Районти пушар хуралĕнчен пĕлтернĕ тăрăх, çулталăк пуçланнăранпа 29 пушар пулнă. Вăл шутра çурла уйăхĕнче çеç вут-çулăмпа пулнă тăватă инкеке шута илнĕ. Вăтаелĕнче Е. Кудрявцева хуçалăхĕнче чикар-ккă туртнă чухне асăрханусăр пулнăран, Шăхачри Ф. Иванов хуçалăхĕнче электрооборудовани юсавсăртан, Çăл Атăкри А. Иванов хуçалăхĕнче сварка агрегачĕпе усă курнă чухне пушар хăрушсăрлăх йĕркине пăхăнманран инкек тухнă, çемьесене чылай тăкак кÿнĕ.
Çурлан 12-мĕшĕнче ирхине пилĕк сехетре Кĕçĕн Патăрьелĕнчи райпо магазинĕн складне вут хыпнă. Унăн сăлтавĕ пирки районти шалти ĕçсен пайĕн сотрудникĕсем тимлеççĕ.