05 сентября 2009 г.
Первомайски ял тăрăхĕн территорийĕнче 26-мĕш пушар чаçĕн посчĕ уçăлнă. Мероприятие Чăваш Республикин Гражданла хÿтлĕхпе чрезвычайлă лару-тăру патшалăх комитечĕн председателĕ В. Петьков, «ЧРПС ГЧС Чувашии» учрежденин вăхăтлăх ертÿçи Г. Совенко, район пуçлăхĕ Н. Глухов, Первомайск ял поселенийĕн пуçлăхĕ Ю. Федоров, район пуçлăхĕн çумĕ И. Дикин, ВДПО уйрăмĕн председателĕ С. Тарасов, госпожнадзор начальникĕ В. Яковлев, район депутачĕсен Пухăвĕн депутачĕ М. Петров, предприятисемпе организацисен ертÿçисем хутшăннă.
Ял поселенийĕн пуçлăхĕ Ю. Федоров çĕнĕ пушар постне мотопомпа, ВДПО уйрăмĕн ертÿçи С. Тарасов ятарлă тумтир парнеленĕ, «Первомайск» хуçалăх хăй вăйĕпе пост валли çурт-йĕр юсаса панă.
Тухса калакансем çĕнĕ пост Первомайски енчи ялсемшĕн пысăк пĕлтерĕшли, халăх хушшинче пушар хăрушсăрлăхĕн йĕркисене ăнлантарассине вăйлатас пирки ытларах чарăнса тăнă.
В. Петьков Первомайскинче пушар посчĕ уçăлни пушар хăрушсăрлăхне вăйлатма май панине палăртнă.
(Хамăр корр.).