05 сентября 2009 г.
Çĕр ĕçченĕн çулталăкне халалласа Чăваш Республикин Ял хуçалăх министерстви ăратлă выльăхсен куравне йĕркелет. Пĕлтĕр унта пирĕн районти 4 хуçалăх хутшăннăччĕ. Ленин ячĕллĕ çĕр ĕç фирми «Магнат» лашашăн 1-мĕш степеньлĕ, «Бойная» ĕнешĕн 2-мĕш степеньлĕ аттестатне тивĕçнĕччĕ. Çавăн пекех «Красное знамя», «Звезда» хуçалăхсен ăратлă сысна амисене те 2-мĕш степеньлĕ аттестатпа хакланăччĕ. Вĕлле хурчĕсемшĕн «Красное знамя» тата «Хастар» хуçалăхсене 1-мĕшпе 2-мĕш степеньлĕ аттестатсем парса чысланăччĕ.
Кăçалхи куравра Юхмапа Пăла тăрăхĕн ăратлă выльăхĕсене «Красное знамя», «Звезда», «Хастар», «Гвардеец», Ленин ячĕллĕ хуçалăхсем кăтартĕç. А. ИВАНОВ.