05 сентября 2009 г.
Ырă çемьере ачасем те ырă çитĕнеççĕ. Сăкăтри Валерий Константиновичпа Вера Ильинична Евграфовсем виçĕ ывăлпа пĕр хĕр çуратса ÿстернĕ. Ачисем пурнăçра хăйсен вырăнĕсене тупнă темелле. Пурте аслă пĕлÿллĕ, çемьеллĕ. Мăнукĕсем те пурнăç çулĕ çине тăма ĕлкĕрнĕ.
Ывăлĕсенчен пĕри – Олег Валерьевич экономика наукисен кандидачĕ, Шупашкарти кооператив институтĕнче студентсене вĕрентет. Вĕсен хăйсен икĕ ывăл. Святослав спорт каçалăкĕнче пысăк çитĕнÿ тума та ĕлкĕрнĕ. Вăл Америкăра тĕнче чемпионатне хутшăнса çирĕм çулчченхи юниорсем хушшинче нумай енлĕ кĕрешÿре чемпион ятне çĕнсе илнĕ. Çакă, паллах, Евграфовсен çемйишĕн çеç мар, Сăкăтсемшĕн те пысăк савăнăç.