Публикации » Ас тăвăр: ан улталанăр!

09 сентября 2009 г.

Паян кашни иккĕмĕш çын кĕсье телефонĕпе усă курать. Меллĕ те васкавлă çыхăнупа пĕрисем усăллă ĕç тăваççĕ, теприсем вара унăн çăмăллăхĕпе усă курса вăрăм укçа тума тăрăшаççĕ иккен. Çак кунсенче ирпе-ирех Тăрăнти пĕр хĕрарăм патне телефонпа çыру килнĕ. «Анне, леш симкартăпа урăх ан шăнкăравла, телефона вăрларĕç. Васкавлă 900 тенкĕ çак номерпе укçа хурса пар-ха», – тенĕ унта, çĕнĕ телефонăн номерне кăтартнă. Студентка-хĕрĕ тин çеç туянса панă телефонне çухатнăшăн кунĕпе куляннă амăшĕ. Каçхине хĕрĕ леш телефонĕпех шăнкăравласан çеç чун кĕнĕ. Ас тăвăр, çакăн пек çывăх пĕлнĕ пек çырнă çырусене ĕненсе никам та ан улталанăр! Ямăтă укçапа усă курас текенсем темĕн те шыраса тупма пултараççĕ.