Публикации » Йăлана кĕнĕ фестивальте – черетлĕ çĕнтерÿçĕсем

19 сентября 2009 г.

Еншикри культурăпа халăх пултарулăх творчествин аталану центрĕнче эстрада юррипе ташшине кăмăллакансен йăлана кĕнĕ фестивалĕ пулнă. «Çăлтăрсен çумăрĕ» ятпа йĕркеленĕ юрăçсемпе ташă ăстисен пултарулăх каçĕнче Тикеш тата Еншик ялĕсенчи «Çăлтăрчăк» ташă ушкăнĕ куракансене уйрăмах тыткăнланă. Ахальтен мар ĕнтĕ В. Маслова ертсе пыракан ушкăна «Ял тăрăхĕн шанчăкĕ» номинаципе пысăк хак панă. Жюри пĕтĕмлетĕвĕпе Тикешри А. Кустова фестиваль çĕнтерÿçи, Еншикри Т. Козлова куракансем кăмăлланă юрăç пулса тăнă. Хирти Пикшикри Г. Хасяновăпа А. Садыкова 2-3-мĕш вырăнсене çĕнсе илнĕ.

Çулсеренех иртекен йăлана кĕнĕ фестиваль пурин кăмăлне те кайнă.